‌ له‌سه‌ره‌تاوه‌ خوناوخان‌ ئه‌ندامی‌ده‌سته‌ی‌ باڵای کۆمه‌ڵه‌ به‌ناوی‌ کۆمه‌ڵه‌وه‌ به‌خێرهاتنی‌ ئاماده‌بوانی‌ کرد، وه‌پێناسه‌یه‌کی‌ کولتوری‌ کرد  ووتی

کولتور سه‌دان‌ پێناسه‌ی‌ بۆ کراوه‌، به‌ڵام‌ ئه‌وه‌ی‌که زۆر له‌پسپۆڕان‌ بواری‌ کولتور  که‌به‌چڕوپڕوه‌به‌مه‌به‌ستی‌ ده‌زانن‌ ئه‌وه‌یه‌ که‌:

کولتور ئه‌وهه‌موو به‌رهه‌مه‌ مادی‌ و مه‌عنه‌ویانه‌ن‌ که‌کۆمه‌ڵگا وه‌به‌رهه‌می‌دێنێ، وه‌به‌کاری‌ ده‌هێنێ‌ له‌ژیانی‌ ڕۆژانه‌دا. له‌هه‌مان‌کاتدا کۆنترۆڵی‌ کۆمه‌ڵگاش‌ ده‌کات

چمکی‌ کولتور سێ‌گۆشه‌یه‌کی نه‌ته‌وه‌یی‌وکۆمه‌ڵایه‌تی‌ومێژوویی‌ هه‌یه‌. پرۆسه‌ی‌ گۆڕانی‌ کولتور ئاڵۆزه‌، وه‌ ئاسانیش‌ نیه‌ ، به‌ڵام‌ هه‌تا به‌ها کولتوری‌یه‌کان‌ پێداویستی‌ مرۆڤه‌کان‌ جێ‌‌به‌جێ‌ بکات‌ ده‌مێنێته‌وه، هه‌وه‌ها کاك سعدون‌ ئه‌ندامی‌ ده‌سته‌ی‌ باڵا پاش‌ به‌خێرهاتنی‌ ئاماده‌بوان‌ ووتی‌‌.ئێمه‌له‌کۆمه‌ڵه‌ی‌ کولتوری‌ کوردی‌ نێرگز به‌ئه‌رکی‌ خۆمانی‌ده‌زانین‌ ئه‌م‌  جۆره‌كۆڕانه‌ ڕێك‌بخه‌ین‌، له‌کاتێکا که‌ئه‌م‌ ساڵانه‌ی‌ دوایی‌ چه‌ندان‌ ڕووداو بابه‌تی‌ جۆراوجۆر له‌مێدیاکانه‌وه‌بڵاو بوویه‌وه‌‌چ له‌ئاستی‌ نه‌رویج‌ یان‌ ئه‌وروپا ، که‌ڕاستی‌یه‌که‌ی‌ ده‌ره‌نجامی‌ ڕووبه‌ڕووبونه‌وه‌ی‌ کولتوره‌کانه‌

له‌‌کاتێکدا دڵنیاین‌ له‌هاوکاری‌هه‌موو ده‌زگا ده‌وڵه‌تی‌و ڕێکخراوه‌ ناحکومی‌یه‌کان‌ که‌‌بمانه‌وێ‌ و هه‌ربابه‌تێکیمان‌ بوێت‌ له‌بواری‌ تایبه‌تمه‌ندی‌ کاره‌کانیاندا، کۆڕیان‌ بۆ ساز بکه‌ین‌ به‌شیوه‌یه‌کی‌ ئاکادیمی بۆمانی‌ ڕوون‌ بکه‌نه‌وه‌، به‌ڵام ئێمه‌ زۆر خۆشحاڵین‌ که‌تواناو سه‌رچاوه‌کانی‌ زانیاری له‌ناوه‌نده‌کوردی‌ یه‌که‌به‌کاربهێنین‌  که‌ڕاده‌ی‌تێگه‌شتن‌ له‌بابه‌ته‌که‌ به‌ڕێژه‌یه‌کی‌ به‌رزده‌بێت‌، ئه‌وا ئه‌مڕۆش‌ کۆمه‌ڵه‌ به‌سوپاسه‌وه‌ بۆ به‌ڕێز کاك عابید گوڵانی‌ که‌ یه‌کێ که‌له‌وسه‌رچاوانه‌ به‌کارده‌هێنی‌

کاك عابید کێ‌یه‌

ئابید گوڵانی‌ له‌دایك‌ بووی‌ شاری‌ بانه‌یه‌، له‌چوارساڵی‌دابوو که‌‌خێزانه‌که‌یان‌ گواستوویانه‌ته‌وه‌ بۆ شاری‌ سه‌قز ، باوکی‌ له‌وێ ده‌بێت‌ به‌به‌ڕێوه‌به‌ری‌ قوتابخانه‌ و له‌هه‌مان‌ کاتدا ده‌رسیش‌ ده‌ڵێته‌وه‌ وه‌ك‌ مامۆستا. عابید قوتابخانه‌ی‌ سه‌ره‌تایی‌و ناوه‌ندی‌و ئاماده‌یی‌ له‌سه‌قز ته‌واو ده‌کات‌، وه‌کۆلیژی کولتور و ئه‌ده‌بیات‌ له‌زانکۆی‌ سنه‌ له‌ ماوه‌ی‌ پێنج ساڵدا ته‌واو ده‌کات‌، پاشان‌ چووه‌ته‌ تاران‌ ساڵێك ئه‌فسه‌ر بووه‌، ساڵێکیش‌ له‌زانکۆی‌ تاران‌ ده‌رسی‌ووتوه‌ته‌وه‌.

ماوه‌ی‌ ده‌ساڵه‌ له‌نه‌رویجه‌، پاش‌دووساڵ‌ هاتنی‌ بۆ نه‌رویج‌ ده‌ستی‌ به‌خوێندن‌ کردوه‌ هه‌تائێساش به‌رده‌وامه‌، ئه‌و به‌شانه‌ی‌که‌لێره‌ خوێندویه‌تی‌، پسپۆڕی‌ له‌په‌روه‌رده‌و په‌روه‌رده‌ی‌ کۆمه‌ڵایه‌تی‌، زمان‌ ویارمه‌تی‌ منداڵان‌ که‌له‌ژیانێکی‌ ناهه‌مواردان‌‌ ، هه‌روه‌ها توندو تیژی‌ له‌ ناوخێزان‌و مافه‌کانی‌ مرۆڤ‌

له‌ ساڵی‌ 2001 که‌وه‌ کاری‌وه‌رگێڕی‌ده‌کات‌ له‌ ئینترۆ‌ده‌کشن‌ سه‌نته‌ر هه‌روه‌ها مامۆستای‌ کۆمه‌ڵناسی‌شه‌، ماوه‌یه‌کیش‌ له‌گه‌ڵ ده‌زگای‌ منداڵ پارێز کاری‌ کردوه.

 عابید  له‌چوارده‌ ساڵیه‌وه‌ وه‌رزشی زۆرانبازی‌ ده‌ست‌ پێ‌کردوه‌‌، له‌ ئاستی‌ کوردستاندا پله‌ی‌ به‌ده‌ست‌ هێناوه‌، هه‌تائێستاخولیای‌ وه‌رزشه‌و به‌رده‌وامیشه‌.